Հունիսի 12-ին, ժամը 21.50-ին, ոստիկանության Արմավիրի օպերատիվ կառավարման կենտրոն ստացվեց հաղորդում, որ Վաղարշապատի Կոստանյան փողոցի մի բակում դանակարվել ու ընկերոջ ուղեկցությամբ հիվանդանոց է տեղափոխվել նույն փողոցի բնակիչ 51-ամյա մի տղամարդ, ախտորոշումը` ազդրի կտրած վերք:Հաղորդումը փոխանցվեց ոստիկանության Վաղարշապատի բաժին, դեպքի վայր մեկնեց օպերատիվ խումբ: Բաժնի անչափահասների գործերով և ընտանիքում բռնության կանխարգելման բաժանմունքի ծառայողների օպերատիվ-հետախուզական միջոցառումներով պարզվեց, որ Զվարթնոց թաղամասում կենցաղային հարցի շուրջ ծագած վեճի ժամանակ նախ 51-ամյա տուժածն է ձեռքերով և ոտքերով հարվածել 43-ամյա մի տղամարդու գլխին, ինչին վերջինս պատասխանել է իր մոտ եղած դանակով:Ահազանգից մոտ 40 րոպե անց Զվարթնոց թաղամասում ոստիկանները ձերբակալում են դանակահարողին և տեղափոխում բաժին: Նա խոստովանում է արարքը և կազմված փաստաթղթերի հետ ներկայացվում Վաղարշապատի քննչական բաժին:Վեճի պատճառն ու դեպքի հանգամանքները պարզվում են: ` Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
