Պաշտոնական հանդիպման ընթացքում կողմերը քննարկել են քույր քաղաքների համաձայնության շրջանակում քաղաքների միջեւ կապերի հետագա զարգացմանը վերաբերող հարցեր:
Շնորհավորելով քաղաքի տոնի առթիվ, հյուրերը խոսել են Էջմիածնի կարեւոր դերի մասին թե՛ քույր քաղաքների հետ հարաբերություններում, թե՛ հոգեւոր եւ մշակութային աշխարհում:
Համայնքի ղեկավար տիկին Դիանա Գասպարյանն ընդգծել է քույր եւ գործընկեր քաղաքների դերը Էջմիածնի զարգացման գործում եւ շնորհակալություն հայտնել պատվիրակութունների անդամներին քաղաքի տոնի շրջանակում Էջմիածին ժամանելու եւ տոնակատարության կարեւոր պահերը մեր համաքաղաքացիների հետ նշելու պատրաստակամության համար:
Հյուրերը շրջայց են ունեցել նաեւ Պատմազգագրական թանգարանում եւ Մայր Աթոռի տարածքում, այցելել Ծիծեռնակաբերդ եւ Ցեղասպանության թանգարան:
