Արմավիրի պարեկները ապօրինի թմրաշրջանառության դեպքեր են բացահայտել

Նոյեմբերի 17-ին Արմավիրի մարզի գումարտակի պարեկները Էջմիածին-Մարգարա ճանապարհին ուժեղացված ծառայություն իրականացնելիս հայտնաբերել, ձերբակալել և, մեքենայով հանդերձ, ոստիկանության Վաղարշապատի բաժին են տեղափոխել 30 և 51 տարեկան 2 տղամարդու։ 30-ամյա ուղևորի խուզարկությամբ հայտնաբերվել է շուրջ 8 գրամ մարիխուանա։ Հերթական դեպքում Արմավիրի պարեկները Էջմիածին-Մարգարա ճանապարհին ձերբակալել և, «Նիսան» մակնիշի մեքենայով հանդերձ, ոստիկանության Վաղարշապատի բաժին են տեղափոխել 26-ամյա մի երիտասարդի։ Նրա խուզարկությամբ հայտնաբերվել է դեղնականաչավուն զանգվածով կաթուցիչ։ Ձերբակալվածները և կազմված փաստաթղթերը ներկայացվել են տարածքային քննչական բաժին։ Հանգամանքները նախաքննությամբ պարզվում են։