Վրույր Աշոտի Ենոքյան

Վրույր Աշոտի Ենոքյանը ծնվել է 1929թ. հոկտեմբերի 23-ին Էջմիածնի շրջանի Մրգաստան գյուղում, արհեստավորի ընտանիքում: 1943թ. ավարտել է Մրգաստանի յոթամյա դպրոցը և նույն տարին ընդունվել է Էջմիածնի Ռուսթավելու անվան մանկավարժական տեխնիկում: 1946թ. ավարտել է այն և ընդունվել հեռակա մանկավարժական ինստիտուտ: Աշխատել է Մրգաստանի և Արևաշատի դպրոցներում որպես հայ գրականության, հայոց լեզվի և պատմության ուսուցիչ: 1950-55թթ. սովորել և ավարտել է Երևանի պետական համալսարանի բանասիրական ֆակուլտետը՝ բանասերի մասնագիտությամբ: 1955-56թթ. աշխատել է Էջմիածնի պարտ-շրջկոմում, որպես հրահանգիչ: 1956-57թթ. Էջմիածնի շրջանային ժողկրթբաժնում, որպես հայոց լեզվի և գրականության տեսուչ: 1957-69թթ. Էջմիածնի երեկոյան բաներիտ միջնակարգ դպրոցում, որպես տնօրեն և հայոց լեզվի ու գրականության ուսուցիչ: 1967-80թթ. ընտրվել է քաղաքային սովետի դեպուտատ և Էջմիածնի շրջկոմի պլենումի անդամ: 1969-73թթ. եղել է Էջմիածին քաղաքի թիվ 9-ը դպրոցի տնօրեն և հայոց լեզվի ու գրականության ուսուցիչ: 1984թ. նշանակվել է հանրապետության «Գիտելիք» ընկերության Էջմիածնի բաժանմունքի «Գիտելիքի տան» տնօրեն: 1973թ. ՀՍՍՀ լուսավորության նախարարության հրամանով ստացել է ՈՒսուցիչ-մեթոդիստ կոչում: 1989թ-ից ակտիվորեն մասնակցել է համազգային շարժմանը: 1990թ-ից նշանակվել է Էջմիածնի 5-րդ գումարտակի սոցիալական ծառայության պետ, զորացրվել է 1997թ.: 1997-2005թթ. նշանակվել է ԵԿՄ էջմիածնի բաժանմունքի ռազմա-հայրենասիրական բաժնի պետ: Երկար տարիների աշխատանքի ընթացքում պարգևատրվել է՝ 1960թ.-ժողկրթբաժնի պատվոգրով; 1962թ.- Հայաստանի կոմերիտմիության կենտրոնական կոմիտեի պատվոգրով; 1963թ.- ՀՍՍՀ լուսավորության նախարարության պատվոգրով; 1963թ- ՀԼԿԵՄ կենրոնական կոմիտեի պատվոգրով; 1963թ.- ՀԱՄԼԿԵՄ կենտրոնական կոմիտեի պատվոգրով; 1964թ.- ՀՍՍՀ լուսավորության նախարարության պատվոգրով; 1973թ.- Էջմիածնի քաղսովետի պատվոգրով; 1988թ.-ՍՍՀՄ Գերագույն սովետի որոշմամբ «Աշխատանքի վետերան» մեդալով; 1994թ.- ԵԿՄ հանրապետական կոմիտեի պատվոգրով; 2002թ.- ԵԿՄ պատվոգրով; 2004թ.- ՀՀ Նախագահի հրամանագրով պարգևատրվել է «Մարտական ծառայություն» մեդալով; 2009թ.- Վազգեն Սարգսյանի ծննդյան 50-ամյակի առթիվ ԵԿՄ միության պատվոգրով: 2008թ. արժանացել է «Էջմիածին քաղաքի պատվավոր քաղաքացի» կոչման: Մահացել է 02.09.2011թ: