Կարապետ Արսենի Կարապետյանը ծնվել է Էջմիածին քաղաքում 1947թ: Միջնակարգ կրթություն ստացել է Հ. Հովհաննիսյանի անվան թիվ 3 դպրոցում: Բարձրագույն կրթություն ստացել է Երևանի Գյուղատնտեսական ինստիտուտում՝ ստանալով ինժեներ-մեխանիկի որակավորում: Աշխատանքային գործունեությունը սկսել է 1967թ-ից՝ աշխատելով Էջմիածնի Շրջապառկոոպ միությունում որպես ապրանքագետ: 1971-72թթ. աշխատել է պահածոների գործարանում որպես ինժեներ մեխանիկ: 1973-75թթ. աշխատել է Էջմիածնի ՀԼԿԵՄ շրջկոմում Կազմ բաժնի վարիչ: 1975-79թթ. եղել է Էջմիածնի սարքաշինական գործարանի ինժեներ-կոնստրուկտոր, արտադրամասի պետ: 1979-82թթ.՝ ավտոպարկի գլխավոր ինժեներ,1982-86թթ.՝ ավտոպարկի դիրեկտոր: 1986-92թթ. եղել է շինարարության նախարարության Ավտոտրեստի կառավարիչ: 1992թ. մինչ օրս «Մոնոլիտ գործարան» ԲԲԸ նախագահն է: Ամուսնացած է, ունի երկու տղա: 2010թ. արժանացել է «Էջմիածին քաղաքի պատվավոր քաղաքացի» կոչման:
