Էդիկ Պանդուխտի Հովհաննիսյանը ծնվել է 1953 թվականի հունիսի 6-ին Էջմիածին քաղաքում: 1971 թվականին ավարտել է Էջմիածին քաղաքի թիվ 5 միջնակարգ դպրոցը: 1971-1973 թվականներին ծառայել է ԽՍՀՄ զինված ուժերում: 1974-1978 թվականներին սովորել և ավարտել է ԽՍՀՄ Մոսկվայի ՊԱԿ ակադեմիան: 1978 թվականից մինչև 1992 թվականն աշխատել է ԽՍՀՄ ՊԱԿ-ի, ապա ՀՀ ԱԱՆ քննչական վարչությունում որպես քննիչ, ապա՝ ավագ և ՀԿԳ ավագ քննիչ՝ փոխգնդապետ կոչումով: 1992 թվականին տեղափոխվել է ՀՀ ԱԱՆ Էջմիածնի բաժին՝ որպես ավագ օպերլիազոր: 1996-2006թթ. աշխատել է որպես ՀՀ ԱԱԾ Էջմիածնի բաժնի պետ՝ գնդապետի կոչումով: Ամուսնացած է, ունի երեք որդի: Ծառայության 45 տարվա ընթացքում արժանացել է բազմաթիվ զինվորական պարգևատրումների: 2016 թվականին արժանացել է «Էջմիածին քաղաքի պատվավոր քաղաքացի» կոչման:
